Sebentar lagi Manado akan berulang tahun. Dan layaknya orang yang berulang tahun maka ada banyak acara dan kegiatan yang diselenggarakan untuk memperingatinya. Ingin tahu seperti apa keadaan acara syukuran di Manado, berikut beberapa kebiasaan yang terjadi saat akan ada acara syukuran di antara penduduk kota Manado (kali ini dalam dialeg orang manado, supaya benar-benar terasa suasananya) :
- Beking sabuah, tutu tu jalang kong kase ba putar lorong sebelah tu oto-oto yang mo lewat;
- Undangan jam 7 mar mulai jam 8;
- Di dalam sabuah ada deretan kursi plastik, di tenga-tenga ada meja panjang for Catering. (Biasanya di salah satu ujung meja ada Babi Putar da ba plaka di atas meja kecil lengkap deng dabu-dabu);
- Podeng deng buah segar lebe dulu abis;
- Baku ruju ambe makanan, pe babale tu kursi orang so dudu akang ato tu tanta di blakang so taru akang depe aqua gelas deng piring yang da isi podeng campur buah segar;
- Sate lebe dulu abis, di ujung meja tu orang-orang da baku rado pake piso tu Babi Putar pe kuli;
- Ibadah cuma 1 - 1,5 jam, Sambutan 20 menit, Menyanyi lagu rohani 15 menit (biasanya sambil bairing orang makang-makang), mar manyanyi lagu rohana 3 jam ato sampe pemain keyboard so lelah ato kuntua so tegor;
- Lagu "Marianne" pasti muncul, karena banyak orang pe lagu gaco;
- Masih ada tamu ja ba datang, tu mama-mama so sibuk ba bungkus for mo bawa pulang;
- Lebe banyak orang datang kalo so abis ibadah/acara kong ba huk ba kelompok-kelompok, somo ator kursi stengah lingkaran bauni org mnyanyi, kong botol di tengah;
- Klar manyanyi, suruh tu nyong-nyong ba susung kursi (lengkali biar so tenga malam ba sosapu angka sampah lei);
- Bangung pagi-pagi ba sosapu, cuci piring, se panas ikang sisa tadi malam, kong pangge birman for smokol rame-rame;
- Sabuah nanti bongkar 2 - 3 hari (ato sampe tu bos tampa sewa tenda datang ambe for mo pake di acara laeng), selama tu sabuah masih ada, jalang so boleh lewat akang mar oto lewat dbawah sabuah riki oto pe antena ta gate di sabuah.
- Biasanya berapa hari kemudian baku pangge pi ba besuk pa penatua di rumah saki, komplikasi darah tinggi deng kolestrol gara-gara ta lebe makang waktu acara, sayang kwa syamas le nimbole pigi karna dapa asam urat.
Hehehe.... inilah gambaran keadaan di Manado. Lucu dan banyak yang memalukan. Tapi itu lah yang ada di kotaku yang kucinta, Kota Manado.
Selamat Ulang Tahun Kota Manado ke-391.
(Yang sudah ketawa dan senyum, silahkan komentar ya, Kalau tidak mau komentar ketawa dan senyumnya harus bayar.)
){kind=link}
0 Komentar